[ad_1]
Ndugu msomaji wa makala ya Nabii Hebron, Tokea YESU wa NAZARETI aniite kumtumikia muda mwingi kila mahali nilipokuwa ninasali katika makanisa mbalimbali nilifikiri hao watumishi ndio walionizaa kiroho.
Na nilipokuwa katika huduma zao, nilikuwa nashangaa kwa nini wananiogopa hata kuniita majina ya muovu na wakati sifanyi uovu , nilivumilia nilimuomba MUNGU anichukue nirudi alikonitoa mbinguni maana napigwa kwa maneno mabaya na wachungaji, kwa kunisema vibaya mara nikiwa sipo ibadani siku hiyo , ile siku nikija hata mchungaji au kiongozi wa kanisa hilo, hukaa na mimi karibu sana kana kwamba ananipenda sana, ili nisiweze kuelewa au kuambiwa na waumini jinsi alivyonisema.
Ila baadaye waumini waliniambia kila kitu, nami nilimwachia YESU tu yeye ndiye aijuaye mioyo ya wanadamu, na ilifika mahali hata mmoja wa kiongozi mkuu mwenye cheo cha Askofu katika kanisa la mwisho nililoabudu, kiongozi huyo nilimshangaa na yeye ananiogopa na angali nilikuwa mtoto mdogo kiroho tofauti na sasa.
Siku moja alikuja katika kanisa lake la mkoani kulikuwepo na ujenzi, akaniona nikamsalimia, kumbe moyo wake ulikuwepo na wivu kwa sababu aliona huduma yangu aliyonipa YESU, akamwambia mchungaji wake, hivi aisee kwa nini hadi leo hii hujamfukuza huyu Hebron?
Akamwambia huyu Hebron ni hatari hafai kuwepo katika kanisa langu, yule mchungaji hakukubali kunifukuza akaniambia “ achana naye wewe mwangalie YESU tuu.”
Nikaendelea kusali kama miezi minane hivi, na ilipofika September 2009, siku hiyo nilikuwa katika ibada ni siku ya Jumapili wakati wa kutoa sadaka akaja YESU mbele yangu bila mtu yeyote kumuona akaniambia leo ndio mwisho wako kuja katika kanisa hili, tena uondoke sasa hivi nitakuongoza cha kufanya.
Niliogopa na kustuka sana, siku hiyo nilikuwepo na mmoja kati ya waumini anaitwa Charles nilikuwa nimeketi naye karibu, na yeye baada ya kutoa sadaka alitoka, alikuwa anaenda moshi mjini na mimi nilitoka nikaenda nae na ibada ilikuwa inaendelea.
Katika kuongea nakumbuka nilimwambia ila sikumueleza yote kwa undani, nikamwambia, nimesikia sauti imeniambia usirudi tena katika kanisa hili, wala usikanyage hata mguu wako. Na ndivyo ilikuwa mwisho wangu na itakuwa milele kamailivyo na nilionywa na YESU WA NAZARETI.
Baada ya muda nikawa siendi kanisani nasali nyumbani na baadhi ya watu waliopenda kusali na mimi na kuwaombea, maana jambo hili la kuwaombea watu na kufunguliwa nilianza siku nyingi, na pale muumini alipokuwa akiombewa na mchungaji, akishindikana akija nikimwombea anapata jibu hapo kwa hapo.
Nilichukiwa sana, nilifikiri ningetiwa moyo au waniinue huduma niliyonayo, lakini walitaka kuniua kiroho ila kwa neema ya MUNGU, nilikuwa najua kabla ila hakuna neno kwa ujanja wakijua mimi sijui lolote kumbe najua kila kitu.
Ikafika muda nikawa nasema sasa YESU nitakaaje bila ya kuwa na Baba wa kiroho, akaniambia mimi ndiye Baba yako wa kiroho, achana na hao wewe mwenyewe ni shahidi kwa ajili ya hayo waliyokutendea, hao siyo Baba yako wa kweli wa kiroho, hawajui uchungu kuhusu wewe akaniambia, hao nilikupitisha tu huko ukaekae hadi wakati wangu ukifika nikutoe, hao ni Baba wa kambo wa kiroho.
Akaniambia, kama ilivyo kibinadamu mzazi wa kambo hawezi kupenda kiukweli mtoto asiye mzaa yeye, akaniambia Hebron hivyo ndivyo ilivyokuwa. Basi nikapata amani nikasonga mbele na YESU akaendelea kunitunza na kunilea na kunifundisha kwa ajili ya kazi yake, mpaka ukafika wakati nikaacha kazi August 2011. Nikabaki kuifanya kazi yake kama ilivyo sasa. Na ilipofika July 2012, akaniambia Hebron sasa nataka nikuonyeshe Baba yako wa kiroho aliyekuzaa wewe na ndipo ulipopokea huduma uliyonayo, nilishikwa na butwaa, akaniambia,
Huyu Baba yako wa kiroho amekuwa akiniomba sana kwa muda wa miaka mitatu analia na kuomba kwangu kuhusu wewe, japo hajakuona kimwili ila anakujua hadi sura yako, ila YESU akaniambia nilimwambia subiri nianamtengeneza ikifika wakati wake nitakuletea na kukukabidhi, hapo bado hakuniambia ni nani?
Akaniambia Baba yako aliyekuzaa wewe Hebron mtumishi wangu ni MOSES KULOLA, alikuzaa katika mkutano wa injili N.M.C 1999, ndipo ulipopokea huduma hiyo na mimi YESU nilikuwepo siku hiyo nikahakikisha umeipokea huduma ambayo MIMI na BABA yangu MUNGU tulipanga hivyo ila tulikuficha kama vile MUSA alivyo hifadhiwa kwa Farao na ilipo fika wakati akatoka huko, akaniambia na wewe ndivyo ilivyo, na wewe ni MUSA wa sasa.
Ikafika mwishoni mwa October 2012, akaniambia nenda ukamwone Baba yako wa kiroho tayari sasa anakusubiria kwa hamu na furaha, basi nikachukua hatua, nikamtafuta nikampata mtoto wake anayeitwa kwa jina Willy, akanisaidia kufanya mawasiliano na alipomwambia Baba yake ambaye kwa sasa ni marehemu yupo mbinguni amepumzika, akamwambia mwambie aje; nikatii .
Alikuwepo Dar es Salaam nyumbani kwa Willy. Nikafika nikaonana naye nikamwelezea alivyoniambia YESU, kuwa yeye ndiye Baba yangu wa kiroho, na mengine ambayo ni yangu na MUNGU tuu, akaniambia “umesema kweli” wewe ndiye niliomba muda mrefu , akaniambia ninakujua tena mbele ya mtoto wake Willy, basi akanibariki kama alivyoelekezwa na YESU na akaniambia uende RWANDA sikupata mtu wa kumtuma kwenda huko watoto wa MUNGU kule wanapotoshwa hawajui tofauti ya shetani na MUNGU, wanaangamia.
Nikamwambia pia YESU alishaniagiza baada ya Tanzania niende Rwanda. Siku hiyo ilikuwa tarehe 9.11.2012. Na YESU akasema na yeye akamwambia mwanangu makao yako yapo tayari ila muda na siku ikifika mimi YESU nitakuja na BABA yangu kukuchukuwa, akamwambia tazama hata uliokuwepo nao katika injili wameniacha na umebakia wewe mwenyewe na akasema katika ulimwengu huu mumebakia watumishi wakubwa watatu tuu ambao hamjaniacha na katika Bara la Afrika umebakia wewe peke yako tu, wengine wote wamenisaliti wamejiingiza kwenye freemason, wachawi, na kuirudia dunia japo wanalitumia jina langu, na mimi YESU nimekaa ole wao.
Akamwambia nimekuletea yule uliyeniomba kwa muda wa miaka mitatu na nikakuahidi, ndiyo Hebron mtoto wako, mbariki na umwongoze. YESU akaondoka, Mzee Moses akaniambia kwa mara ya pili tena piga magoti akanibariki tena na mke wangu na watumishi niliokwenda nao.
Toka siku hiyo ikawa ni furaha kwangu maana nililia kamasina Baba wa kiroho. Lakini haijalishi kwa sasa hatupo naye, ninacho waambia ukweli halisi msilie, mimi nililia nilipopata habari ya kifo chake, akaja YESU akaniambia usilie Baba yako yupo katika mkono wa kuume wa MUNGU, yeye ameshinda ulimwengu na yupo amestarehe anamtukuza MUNGU na kusifu, akaniambia kibinadamu inauma ila usiogope hii ni kwa sababu ulimpenda sana, akaniambia simamia kazi yangu na kusudi kama ulivyoelezwa na Baba yangu MUNGU na mimi YESU, akaniambia nilijua muda wake umeisha hapa duniani ndiyo maana nilikuagiza uende na afanye kama nilivyomuelekeza kuhusu wewe.
Ndugu msomaji wa makala ya Nabii Hebron mpaka sasa umepata picha kwa ufupi jinsi nilivyompata Baba yangu aliyenizaa kiroho.
Yeye alinipenda,aliniombea sana na kunifundisha mengi, na wala hakunionea wivu kwa ajili ya huduma aliyoiona ndani yangu ila alinikuza mpaka alipoondoka na sasa nimebaki na YESU peke yake tu, na MUNGU aliyeumba ulimwengu huu.
Najua kuna watu wengi wanampenda MUNGU ila wanagandamizwa na Baba zao wa kiroho, ukiona unagandamizwa ili usikue katika huduma uliyonayo tambua huyo uliyenaye siyo aliyekuzaa kiroho, omba MUNGU, atakuonyesha baba yako.
Angalia mapito niliyoyapita na ukiinuliwa na MUNGU utashangaa wanaanza kusema ni mtoto wake wa kiroho. Usikubali hao ni wanafiki, songa mbele. Mbona kabla hujainuliwa walikukataa na kukulaani? Akili kichwani.
Malaika Gabriel aliniambia siku moja MUNGU alisema na baadhi ya watumishi niliokuwa nikisali nao huko, ila mmoja akayahifadhi, waliambiwa jnsi huduma niliyopewa ni kwa ajili ya ulimwengu wote na hakuna atakayeimaliza kazi hii ni Hebron tu ndiye aliyechaguliwa, wao wakaingiwa na wivu, na wakakufanyia mabaya kwa ajili ya kusudi la MUNGU.
Neno la MUNGU lazima litimie tu na Hebronlazima itakuwa, MUNGU hasemi uongo.
NABII HEBRON .
[ad_2]